1,114 Бардыгы /

          Улуттук коопсуздук боюнча мамлекеттик комитет (УКМК) Баткен облусундагы Сүлүктү шаарында көмүр казган айрым ишканалардын сатуу жана экспорттоодогу коррупциялык схемасы аныкталганын ачык  жарыялады. Атайын кызмат текшерүүнүн жыйынтыгында ондой ишкананын салыгы кайра эсептелип, 250 миллион сомдой салыктын 80 миллион сомдон ашыгы өндүрүлгөнүн дагы билдирди.

          Баса, Баткен – Кыргызстандагы эң алыскы жана шарты абдан катаал облустардын бири. Бул аймакта кыш мелүүн болгону менен, кышкысын көмүр жагылат. Баткенде көмүр кендери көп, ошол эле кезде анын баасы аймакта эң кымбат болгондуктан, ар кыш сайын кара алтын маселеси көтөрүлөт.

          Айтмакчы, УКМК акыркы 6 жылдагы Сүлүктү шаарында көмүр өндүрүү, сатуу жана экспорт менен алектенген 29 ишкананын салык жана каржы ишмердигине текшерүү дайындаган. Атайын кызматтын кабарлашынча, Салык кызматы текшерүүнүн жыйынтыгы менен 11 ишкананын кайра эсептөөдөн кийинки салыктарынын суммасын 216 млн 809 миң 62 сом (кошумча айыптарды эске албаганда) деп аныктады.

Алишер ТОКСОНБАЕВ, өз кабарчы