ЭЛЕТТЕГИ МЕКТЕПТЕ АМЕРИКАЛЫК ЫКТЫЯРЧЫ АНГЛИС ТИЛИНЕН САБАК БЕРЕТ

3 Бардыгы /

Ош облусуна караштуу Өзгөн районундагы №34 Төлөнбай МАШРАПОВ атындагы орто мектептин түптөлгөндүгүнө быйыл туптуура 100 жыл толду. Агартуу мекемеси мааркесинин урматына “Жылдын мыкты мектеби-2024” номинациясына дагы татыды. Келаткан 2025-жылы деле мактанаарлык ийгиликтерди жаратканга эмгек жамаатынын дагы аракети абдан күч!

Айниса МАДОМОРОВА, Өзгөн районундагы №34-Төлөнбай МАШРАПОВ атындагы орто мектебинин башталгыч класстар мугалими:

– 43 жылдан бериушул мектепте гана эмгектенип келатамын. “Дарак бир жерден көгөрөт” дегендей, мен дагы дал ушул агартуу журтунан баар таптым. Кадыр-барк күттүм. Бактыбызга жараша окуучуларыбыз дагы жаман чыгышпады. Бизде тарбиялангандар Мухаммед Рыскулбеков – балдардын мыкты доктору. Ал эми Бурул Исмаилова – республикалык эң окумдуу “Супер-Инфо” гезитинин редактору. Чубай берсек, мындай мектебибиздин даңкын чыгарган азаматтарыбыз, албетте, толтура.

Жазгүл САДЫКОВА, Өзгөн районундагы №34-Төлөнбай МАШРАПОВ атындагы орто мектебинин тарых сабагынын мугалими:

– Санариптештирүүтарыхыбызга ири өзгөрүүлөрдү киргизип атпайбы. Муну илгиртпестен түшүнгөн президентибиз Садыр Жапаровго абдан чоооң ыракмат! Буюрса, IT технология биздин келечегибизди сөзсүөз аныктайт!

Диего ОСТЕР, АКШнын Флорида штатынан келген ыктыярчы:

– Мына, бир жылдан бери кыргыз эже-агайларымдын арасында талыкпастан гана иштеп жүрөмүн. Дагы эки жылдан кийин Ата Мекениме кайтамын. Мага кыргыздын жүрөк толкуткан ыр-күүлөрү майдай жагат. Ошондой эле күч-кубат дагы берет. Буюрса, АКШга Кыргыз тилин толук бойдон үйрөнүп гана барамын.

Альбина ЖОЛДОШЕВА, Өзгөн районундагы №34-Төлөнбай МАШРАПОВ атындагы орто мектебинин 6-А-классынын окуучусу:

– Заманыбыз өтө эле ыкчам өзгөрүп баратпайбы. Ага биз дагы сөзсүз дароо ылайыкташпасак, албетте, көч артында эле калабыз, эй! Ошол себептүү мен окууну бүткөнүмдө “Сулуулук салонун” ачамын. Ушуну унутпасак, дүйнөнү сулуулук гана сактап калат!

Нургелди КАПАРОВ, Өзгөн районундагы №34-Төлөнбай МАШРАПОВ атындагы орто мектебинин 6-Б-классынын окуучусу:

– Атам убактылууиштебейт. А апам – үй кожейкеси. А агам – жеке ишкер. Көрөсүздөр. Бара-бара IT технологиянын тилин билгендердин заманы орнойт.Мен, ошондуктан, программистик кесипти биротоло тандадым. Мектепти бүткүчөңдү эле сабактарды программалоону толук кандуу өздөштүрөм деген бекем ишеничтемин!

Элнура АБДРАИМОВА, Өзгөн районундагы №34-Төлөнбай МАШРАПОВ атындагы орто мектебинин окуу бөлүмүн башчысы:

– Мен өзү Бишкек шаарындагы Ишеналы Арабаев атындагы университеттин лингивистикалык бөлүмүн 2009-жылы аяктаганмын. Ошондон бери ушул мектепте гана эмгектенип келатамын. Акыркы жети жылдан бери окуу бөлүмүнүн башчысымын. Биздин мектеп Сингапур окуу ыкмасын тандаганбыз. Бул – команда. Баары тең укуктуу жана бирдей жоопкер!

МЫКТЫЛАРГА – СТИПЕНДИЯ

Чолпонбай КАЛМАМАТОВ Өзгөн токой чарбасына караштуу Чымбай тилкесин көптөгөн жылдар бою жетектеген. Ошондуктан, бул мамлекеттик ишмердин атында класс дагы ачылган. Мындан тышкары алдыңкы 20 окуучунун ар бирине 10 миң сомдон жыл бою стпендия дагы берилет.

МЫРЗАКЕ – БААТЫРЛАР МЕКЕНИ

Абдулла МАДЫМАРОВ – Улуу Ата Мекендик согуштун катышууучусу. Биргездеги Мырзаке районуна караштуу (азыркы Мыраке Айыл Өкмөтүндөгү) Буденнный атындагы артелди (чарбаны) ийгиликтүү жетектеген. 32 гектар буудайдын а гектарынан эң жогорку 30,8 центнерден түшүм жыйнаган. Ошону үчүн дал ушу эмгеги өтө жогру бааланып, ага Социалисттик Эмгектин Баатыры ардак наамы ыйгарылган.