42 Бардыгы /

Жаңырган жылдын 1-январынан 15-январына чейин Жалал-Абад шаарынын аймагында жалпы 3 өрт кырсыгы катталып, андан келтирилген материалдык чыгым 54 миң 591 сомду түздү.

Ал эми 2025-жылдын 11-январь күнү Жалал-Абад шаарынын Канаттуулар фабрикасынын Э.Зиядинов көчөсүндө көп кабаттуу турак үйдүн 6 батиринен чыккан өрт кырсыгынан 3 жаран өрттөн күйүк алган.

Жалал-Абад шаары боюнча Өзгөчө кырдаалдар бөлүмүнүн кызматкерлеринин ыкчам аракетинин натыйжасында 1 млн. 500 миң сомдук материалдык баалуулуктар сакталып калынган.

Өрт кызматкерлери тарабынан өрт кырсыктарын алдын алуу боюнча калк арасында жана мекеме ишканаларда, мектеп, балдар бакчаларында лекция жана түшүндүрүү иштерин жүргүзүлүп келүүдө. Бирок ошого карабастан жеке турак үйлөрдө өрт кырсыктарынын катталуусу көбөйүп жаткандыктан Жалал-Абад шаары боюнча Өзгөчө кырдаалдар бөлүмү шаар тургундарынан өрт коопсуздук эрежелерин сактоону эскертет.

Белгилей кетсек, шаардык өрткө каршы кызматынын телефону «101» же “112”.

Айбек ИМАНОВ, Жалал-Абад шаары боюнча Өзгөчө кырдалдар бөлүмүнүн өрт өчүрүү жана алдын алуу бөлүмчөсүнүн башчысы, майор