1,378 Бардыгы /

БИШКЕК. Президент Сооронбай Жээнбеков Өзбекстандын Президенти Шавкат Мирзиеев менен телефон аркылуу сүйлөштү. Анда эки мамлекеттин башчылары Кыргыз-Өзбек кызматташтыгынын актуалдуу маселелери, анын ичинде чек ара кызматташтыгы, ошондой эле 2020-жылдын 31-май күнү чек арага танапташ жерде болгон конфликттик кырдаалды дагы талкуулашты.

Сооронбай Жээнбеков менен Шавкат Мирзиеев мындан ары мындай жаңжалдарды болтурбоо боюнча бардык зарыл чараларды көрүүнү дагы катуу макулдашты. Кыргызстан менен Өзбекстандын Президенттери эки өлкөнүн элдери илгертен бери эле ынтымакта жашап, кыйын күндөрдө бири-бирине жардам берип келишкендиги боюнча орток пикирин билдиришти.

Соңунда эки мамлекеттин башчылары бир нече жолу берилген гуманитардык жардам үчүн өз ара ыраазычылыктарын дагы ачык айтышты.

Алишер ТОКСОНБАЕВ, өз кабарчы