1,431 Бардыгы /

ЖАЛАЛ-АБАД.

14-февраль күнү саат болжол 12:30 чамасында Түндүк-Түштүк (Балыкчы-Жалал-Абад) альтернативдик унаа жолунунун болжол 334-чакырымында (Көк-Арт ашуусу) жайгашкан тоннелдин түндүк тарабында кар көчкү (көлөмү такталууда) түшкөн.

КР ӨКМдин Жалал-Абад облустук башкармалыгынын басма сөз кызматынын маалыматына ылайык,  кар көчкү “Чайна Роуд” ишканасына тиешелүү Нива унаасын, 1 даана жүктөгүч жана 2 даана экскаваторду басып калып, 3 киши дайынсыз болууда (аты-жөндөрү такталууда).  Ошондой эле болжол менен саат 17:30 чамасында аталган унаа жолдун болжол менен 340-чакырымында (тоннелдин түштүк тарабы) кар көчкү түшүп (көлөмү такталууда), натыйжада 1 Пикап унаасын басып, ошондой эле 1 Пикап унаасын жана 1 вагонду сайга сүрүп кеткен. Натыйжада 3 адам (1956-ж.т. А.А., 1970-ж.т. К.Т. – эркек кишилер, Кыргыз Республикасынын жарандары жана Л.З. (туулган жылы такталууда) – Кытай Эл Республикасынын жараны) жабыркап, 1 адам дайынсыз болууда (аты-жөнү такталууда).  Куткаруу иштерин жетектөөгө КР ӨКМдин Жалал-Абад облустук башкармалыгынын башчысы полковник Абдулнасир Закиров жетектеген куткаруу ыкчам тобу тартылган. Ошондой эле ӨКМдин Тогуз-Торо райондук бөлүмүнөн 7 куткаруучу, Жалал-Абад шаардык №20 ӨКБдан 4 куткаруучу, №2 Өзүнчө издөө-куткаруу отрядынан 10 куткаруучу, “Чайна Роуд” ишканасынан 3 жүктөгүч, 1 экскаватор, 30 кызматкер.

14-февраль күнү издөө-куткаруу жана тазалоо иш-чаралары жүргүзүлгөн, бирок аба-ырайына байланыштуу жана жолго кар көчкү түшкөндүгүнөн улам коопсуздукту сактоо максатында иш-чаралар убактылуу токтотулган. Ал эми 2 жабыркаган “Чайна Роуд” ишкананын кызматкерлеринин жеке унаасы менен жана 1 жабыркаган куткаруучулар аркылуу Сузак районунун Октябрь айылындагы ооруканага жеткирилген.

15-февраль күнү иш-чаралар улантылууда.