837 Бардыгы /

         ОШ. Кыргызстандын Түштүк баш калаасында бейтааныш аялды сабаган уюшкан кылмыштуу топтун мүчөсү кармалды. Бул жөнүндө Ош шаардык ички иштер башкармалыгынын басма сөз кызматынан билдиришти.

         Маалыматка караганда, Ош шаардык ички иштер башкармалыгына 38 жаштагы аял арыз менен кайрылып, аны Ош шаарынын Апсамат Масалиев көчөсүндө белгисиз адам жүйөөсүз сөгүп-сөздөп, андан кийин чачынан сүйрөп сабагандыгын билдирген. Ыкчам издөө иштеринин натыйжасында Бишкек шаарында бекинип жүргөн жеринен шектүү Д.А. аттуу Өзгөн районунун 1982-жылы туулган тургуну кармалды. Ал ИИМдин атайын тизмесинде уюшкан кылмыштуу топтун мүчөсү катары катталган.

         Баса, шектүү Д.А. мурун 7 жолу соттолгон, 3 жолу бейбаштык жана тоноо, маңзаттарды колдонуу, опузалап акча талап кылуу жана башка бироонүн мүлкүн атайылап жок кылгандыгы үчүн соттолгон. Ушул тапта  ал Ош шаардык ички иштер башкармалыгынын убактылуу кармоочу жайына киргизилип, тиешелүү тергөө иштери жүргүзүлүп жатат.

         Алишер ТОКСОНБАЕВ, өз кабарчы