800 Бардыгы /

Мары облусунун Байрамали шаарындагы мамлекеттик дүкөндөрдө ун менен нан тартыш болууда. Бул тууралуу «Азаттык» радиосунун түркмөн кызматы билдирди.

«Азыр аймакта жергиликтүү ун сатылбай калды. Чет өлкөдөн келген ундун бир килограммы 12 манат турат. Алыскы айылдардын тургундары акыркы жолу унду мамлекеттик баада март айында алганын билдиришүүдө», — деди радионун аймактагы кабарчысы.

Түркмөнстанда арзан ун ар бир тургунга айына беш гана килограммдан сатылат. Анын бир килограммы 1 манат турат (расмий курска ылайык, 1 доллар 3,5 манатка барабар).

«Айылдын тургундары мамлекеттик дүкөндөрдөн ун сатып алуу үчүн таң атпай Байрамали шаарына келип, 3-4 саат кезек күтүүгө аргасыз болууда. Ар бир дүкөндүн алдында 50-60тан адам кезекте турганын көрүүгө болот», — деди кабарчы.

Түркмөнстандагы коммерциялык дүкөндөрдө нан, ун жана өсүмдүк майы мамлекеттик дүкөндөргө караганда кыйла кымбат сатылат.

www.