1,437 Бардыгы /

Тажикстандын Турсунзаде шаарындагы инфекциялык ооруканада пневмония менен жабыркаган бейтап каза болгондон кийин дарыгерлердин бири катуу сабалды.

Жабыркаган дарыгер Ёкуб Дадажоновдун айтымында, 21-июнга оогон түнү улгайган бейтаптын көз жумганы белгилүү болору менен ага эки киши кол салган.

«Каза болгон адамга ким болорун билбейм, балдары же туугандары болушу мүмкүн. Алар дароо эле мага кол салышты. Башыма катуу сокку жегенимди билем, калганы эсимде жок. Кесиптештерим дароо реанимацияга жеткирилгенимди айтышты. Азыр нейрохирургия бөлүмүндө дарыланып жатам», — деди дарыгер.

Маалыматка караганда, кол салуудан медайым менен санитарка да түрдүү жаракаттарды алышкан. Турсунзаде шаарындагы бул ооруканада апрелден бери пневмония жана СOVID-19 менен ооруган бейтаптар дарыланып келет.

Шаардык укук коргоо органдарындагы өз булактын айтымында, медицина кызматкерлерине кол салуу фактысы боюнча болжолдуу тергөө иштери башталды. Кол салгандардын бирөө маркумдун уулу экени, дарыгерден кечирим сураганы айтылууда. Экинчисинин тек-жайы аныкталууда.

www.