708 Бардыгы /

Казакстандын президенти Касым-Жомарт Токаев өкмөт кайрадан карантин киргизүүнү сунуштап жатканын 1-июлда билдирди.

“Өкмөт 5-июлдан тартып 14 күнгө (балким узартылат) карантин жарыялоо тууралуу планын сунуштады. Эртең жыйындан кийин саламаттык сактоо министри түшүндүрмө берет” деп президент “Твиттерге” жазып, карантин узартылышы ыктымалдыгын да белгиледи.

Правительство представило план введения карантина с 5 июля сроком на 14 дней (возможно продление). Завтра после заседания МВК министр здравоохранения выступит с разъяснениями.

— Qasym-Jomart Toqayev (@TokayevKZ) July 1, 2020

Эки күн мурда өкмөт мүчөлөрү менен видеожыйын учурунда Токаев өлкөгө катаал карантин киргизүүнү сунуш кылган.

Казакстанда 11-майда карантиндик чаралар жеңилдетилгенден кийин COVID-19 илдетине чалдыккандар кескин көбөйгөн.

Өлкөнүн жаңы дайындалган саламаттык сактоо министри Андрей Цой төрт апта толук чектөө гана “өлкөнү катастрофадан сактап калат” деп билдирген. Мындай болгондо августту аяктай абал стабилдешип, күнүнө 2,5 миң учур катталарын белгилеген.

Министрлик эгер эки апта карантин киргизилсе, жугузуп алгандар күнүнө 7 миңге чейин жетерин болжолдоодо.

1-июлга карата Казакстанда коронавируска чалдыкканы аныкталгандар 41 миңге жетти. Алардын арасында вирус жугузуп алып, бирок симптому ачык билинбегендер да бар.

www.