18 Бардыгы /

Ош технологиялык университети (ОшТУ) инновациялык технологияларды колдонуу менен экологиялык жактан таза электр энергиясын үнөмдөөчү түнкү чырактарды көчөлөрдү, сейил бактарды жана жана имараттарды жарыктандыруу үчүн иштеп чыкты.

ОшТУнун маалыматына караганда, бул чырактар күн энергиясы аркылуу гана иштеп, энергетикалык көз карандылыктан кутултуп, коопсуздукту жана эстетикалык ыңгайлуулукту дагы жогорку даражада камсыз этет. Бул болочоктуу долбоор аталган ЖОЖдун энергетика жана трансопорт институтунун электр станциялары, тармактары, торлору жана энергетикалык машина куруу кафедрасы жана инновациялык борбордун кызматкерлеринин демилгеси аркасында жана ректораттын колдоосу менен жүзөгө ашырылды.

ОшТУнун түнкү жарыктандыруу тутуму ушул тапта заманбап инновациялык технологиялардын негизинде иштеп жатат. Аталган технологиялык мыкты жаңылык ЖОЖдун архитектуралык аймагын ого бетер кооздоп,  экологиялык жоопкерчиликти дагы күчөтүп, туруктуу өнүгүү жана санариптик доордун талаптарына шайкеш жасалууда.

Алишер ТОКСОНБАЕВ, өз кабарчы