27 Бардыгы /

Ош жана Ноокат шаарындагы айланма жолдор акы төлөнүүчү жолдорго айланышы толук ыктымал. Бул туурасында Транспорт жана коммуникация министринин орун басары Бекназар Базаралиев маалымат жыйынында билдирди.

Ошол эле учурда Бекназар Базаралиев Транспорт министрлигине караштуу акы төлөнүүчү жолдор жок экендигин дагы эскертти.

– Өзүңүздөргө маалымы, Кыргызстандагы жалгыз акы төлөнүүчү жол – Өзгөн шаарынын айланасында. Анын жалпы узундугу араң 14 чакырым. Ошондуктан, ал толугу менен бүткөрүлүп, ишке киргизилип, кадимкидей иштеп жатат. Дагы бир нече акы төлөнүүчү жол долбоорлору бар, мисалы, Ош жана Ноокат шаарларын дагы айланып өтүүчү жолдор, — деп кошумчалады  Транспорт жана коммуникация министринин орун басары Бекназар Базаралиев.

Эске салчуу жагдай: Ош облусуна караштуу Өзгөн шаарынын айланасындагы акы төлөнүүчү жол 2024-жылдын декабрь айында пайдалануууга тапшырылган. Аны бойлото жеңил унаалар 200 сомго жүрө алат. Ал эми жүк ташуучу унаалар үчүн ар кандай тарифтер бар. Маселен, эки октуу жүк ташуучу унаалардын чиркегичи жок өтүүсү – 350 сом, ал эми көп тонналык унаалар үчүн – 700 сом. Мындан чогулган каражаттын баардыгы жолдорду оңдоого гана сарпталат.

Алишер ТОКСОНБАЕВ, өз кабарчы