6 Бардыгы /

Архитектура, курулуш жана турак жай-коммуналдык чарба мамлекеттик агенттигинин директору Нурдан Орунтаев Ош шаарына жасаган жумушчу сапарынын алкагында Кыргызстандын Түштүк башкалаасында мыйзамсыз салынган көп кабаттуу турак-үйлөрдүн жашоочулары менен дагы өзүнчө жолугушту.

Айтмакчы, жарандар менен бул жолугушууга, мындайча айтканда, Архитектура, курулуш жана турак жай-коммуналдык чарба мамлекеттик агенттигинин көчмө жыйынына Ош шаарынын вице-мэри, Ош аймактык шаар куруу жана архитектура башкармалыгынын, Мамкурулуштун алдындагы Мамлекеттик экспертиза департаментинин Түштүк бөлүмүнүн, Мамлекеттик долбоорлоо институтунун жана Жер титирөөгө туруктуу курулуш жана инженердик долбоорлоо мамлекеттик институтунун кызматкерлери дагы катышышты. Ошентип, Кыргыз Өкмөтүнүн мүчөсү – Архитектура, курулуш жана турак жай-коммуналдык чарба мамлекеттик агенттигинин директору Нурдан Орунтаев «Эмаком» ЖЧКсынын Ош шаарындагы Аскар Шакиров көчөсүндөгү №22-, Ленин көчөсүндөгү №351-, Матисаков көчөсүндөгү №226-; «Пик Стиль Строй Холдинг» ЖЧКсынын Ош шаарындагы Ленин №349-; «Дастан Курулуш» ЖЧКтын «А» блогу Ашимахунова көчөсүндөгү №26-; «Астра Плюс» ЖЧКсынын А.Навои №10-дарегиндеги көп кабаттуу турак-үйлөрдүн жашоочулары менен жолугушуп, алардын көйгөйлөрүн жеринде кенен-чонон тыңдады.

Ошентип, аталган жолугушууда баса белгиленгендей, Мамлекеттик курулуш агенттиги тарабынан аталган көп кабаттуу турак үйлөрдүн маселелери мыйзам чегинде гана документтештирилип, андан ары аларды тегиз мыйзамдаштыруу иштери дыкаат жүргүзүлөт.

Алишер ТОКСОНБАЕВ, өз кабарчы