30 Бардыгы /

        Ош облусуна караштуу Кара-Суу районунда жүк ташуучу жеңил автоунаалар чыгарыла баштады. Бул туурасында Президенттин Ош облусундагы өкүлчүлүгүнүн басма сөз кызматынан билдиришти.

        Маалыматка караганда, аталган автонууларды мындан ары ички жана тышкы рынокко соодалоо жагы катуу пландаштырылып жаткан чагы. Завод тышкы инвесторлор тарабынан негизделип, Кара-Суу районунун Ынтымак айылында – мурунку тамеки заводунун аймагында жайланышкан. Ушул тапта аталган ишканада жүк ташыган жеңил автонунаалар чогултулуп жатат. Тетиктер Кытайдан сатылып алынууда. Ишкана ээлери мындан ары тетиктер сырттан сатылып алынбастан, өздөрүндө гана беленделээрин убадалып жатышат. Аталган завод толук кандуу ишке түшүрүлсө, жыл сайын 10 миң даана транспорт өндүрөт.  Туруктуу 200 жумуш орун дагы түзүлөт.

        Айтмакчы, Кара-Суу жергесинде өндүрүлгөн жеңил жүк ташуучу автоунанын көлөмү 2,4 метр. Ал 1,5 тоннага чейинки  жүктү беймарал көтөрөт.

Алишер ТОКСОНБАЕВ, өз кабарчы