54 Бардыгы /

Бүгүн, 13-февраль күнү шаардык кеңештин сессиясында Жалал-Абад шаарынын 2025-жылга бюджети 1 млрд. 209,5 млн. сом деп бекитилди.

Жалал-Абад шаардык депутаттар кеңешинин X чакырылышынын кезектеги V сессиясы өттү. Ага Жалал-Абад шаарынын мэри Эрнисбек Ормоков, шаардык кеңештин төрагасы Орозбек Турдубеков, мэрдин орун басарлары, депутаттар жана шаардагы мекеме-ишканалардын жетекчилери катышты.

Сессияда шаар мэринин биринчи орун басары Кубанычбек Иманалиев Жалал-Абад шаарынын 2025-жылга бюджетинин долбоорун тааныштырып, аны депутаттар бир добуштан колдоп берди.

Жалал-Абад шаарынын 2025-жылга жергиликтүү бюджетинин планы 1 млрд. 209,5 млн. сом деп бекитилди. Бул 2024-жылга бекитилген пландан 157,6 млн. сомго көп.