1,716 Бардыгы /

БАТКЕН. 2022-жылы жалпы республикалык тестирлөөдө (ЖРТда) 57 окуучу эң жогорку упайды багындырышты. Бул жөнөндө Билим берүү жана илим министрлигинин маалымат кызматынан кабарлашты.

Ошентип, бул ирет эң жогорку упай — 235 болду. Аны Бишкек шаарындагы №70-мектеп-гимназиянын бүтүрүүчүсү Эрлан Көлбаев багындырды.

Аталган министрликтин маалыматына таянсак, «Алтын сертификатка» ээ болгон 57 бүтүрүүчүсүнүн үчөө – Баткен облусунун мектептерин бүтүргөндөр. Булар – Баткен облустук гимназиясынын бүтүрүүчүсү – Элиза Зайнидин кызы. 223 упай топтоду. Ошондой эле Исхак Раззаков атындагы лицейдин бүтүрүүчүсү Бекболсун Раимбердиев. 224 упайды багындырды. Ал эми Раззаков атындагы Кызыл-Кыя лицейинин бүтүрүүчүсү Абай Таавалдиев 221 упайга татыды.

Алишер ТОКСОНБАЕВ, өз кабарчы