1,722 Бардыгы /

ЖАЛАЛ-АБАД.17 жаштагы Зухайр Абдуллажанов өз күчү менен дүйнөдөгү 17 абройлуу университетке тапшырып, $100000 грант утуп алды.

Жалал-Абад шаарындагы Курманбек баатыр атындагы балдар лицейинин бүтүрүүчүсү Зухайр Зухайр Абдуллажанов дүйнөнүн алдыңкы окуу жайларына өз алдынча документтерди тапшырып АКШ, Польша, Түркия, Улуу Британия жана башка өлкөлөрдөгү жогорку окуу жайларына гранттык негизде окууга өтүп, алардын арасынан дүйнөдөгү эң мыкты университеттердин ичинен 3-орунда турган  Гонконг университетин  тандап, 100 000 долларлык грантка ээ болду.

Буга көңүл кош карабаган Жалал-Абад шаарынын мэри Эрнисбек Ормоков билимдүү жаштарды ар дайым колдой турганын белгилеп, аталган лицейдин директору Бекжан Шералиевди жана лицейдин бүтүрүүчүсү Зухайр Абдуллажановду чакырып куттуктап, белектерин берип, ийгиликтерди каалады.

Белгилей кетсек, Зухайр Абдуллажанов аталган университетке өткөн жалгыз кыргызстандык бүтүрүүчү.