867 Бардыгы /

ЖАЛАЛ-АБАД. 6-апрелде К.Ш. Токтомаматов атындагы Эл аралык университетке (ЭАУ, Жалал-Абад ш.) TİKA – Түркиянын кызматташтык координациялык агенттигинин өкүлдөрү келишти.

ЭАУнун Кесиптик багыт берүү жана коомчулук менен байланыштар кызматы билдиргендей, алар Орто Азия жана Кавказ бөлүмүнүн башчысы Али Өзгүн Өзтүрк, Бишкектеги кеңсесинин куратору Осман Уста ж.б. TİKA жана ЭАУ кызматташтыгы жемиштүү болуп, окуу жайдын инфраструктурасына көлөмдүү инвестициялар тартылды. TİKA өкүлдөрү ошол инвестициялардын өздөштүрүлүшү менен ордунда таанышышты. ЭАУ ректораты TİKA агенттигине терең ыраазычылык билдирип, кызматташтык мамилелери мындан ары да ийгиликтүү уланат деген ниетин айтты.

Кошумчалап кетсек, ЭАУда Эл аралык Кыргыз-Түрк институту жана колледжи бир катар багыттар, адистиктер боюнча адистерди 1993-жылдан бери даярдап келишет.