1,017 Бардыгы /

ЖАЛАЛ-АБАД. Ала-Бука районунун билим берүү бөлүмүнүн 18-19-август күндөрү  2(эки) этапта август усулдук окуусу өткөрүлдү.

Райондук жалпы билим берүү уюмдарында окуу-тарбия процессин уюштурууну жакшыртуу, ар тараптуу жана адилеттүү сапаттуу билим берүүнү камсыздоо жана бардыгы үчүн окуу мүмкүнчүлүгүн түзүү, педагогикалык кызматкерлеринин чыгармачылык жөндөмдүүлүктөрүн жогорулатуу максатында  Ала-Бука райондук билим берүү бөлүмүнүн  2023-2024- жаңы окуу жылына карата билим берүүнүн санарип платформасын жана жашыл көндүмдөрдү өнүктүрүү, ар тараптуу жана адилеттүү, сапаттуу билим берүү менен бардыгы үчүн өмүр бою билим алуу мүмкүнчүлүгүн жайылтуу, окутуунун усулдук дизайнын түзүү, сабакта дефференциацияланган окутуунун  усулдарын пайдалануу, билим сапатын жогорулатуу, окуучулардын жетишкендиктерин баалоонун эл аралык изилдөөсүнө даярдыктарды көрүү (PISA), келечекте жогорку технологияларды өнүктүрүүнүн платформасын STEM билим берүүнү өздөштүрүү багытында мугалимдер,  тарбиячылар жана ийрим жетекчилери үчүн август усулдук окуусу өткөрүлдү. Август усулдук окуулары райондун борборундагы №3 Н.Орозалиев жана №4 А.Акпаралиев атындагы жалпы билим берүүчү мектептеринде салтанаттуу аземи менен ачылып, 1-этап 18-август күнү жалпы билим берүүчү мектеп администрациясына, мектепке чейинки билим берүүнүн директорлоруна жана мектептен тышкаркы билим берүүнүн директор, ийрим жетекчилерине болуп өттү. Мында ар бир секция ишинде билим берүүнүн сапатын жогорулатуу, жаны окуу жылына коюлган талаптар боюнча талкуулар болду. Усулдук окуу кабинети тарабынан “Билим берүүгө болгон заманбап талаптар, мамлекеттик  жана предметтик стандарттар” боюнча  райондук билим берүү бөлүмүнүн усулдук окуу кабинет башчысы Айтикеева Гулмира  презентация жасады. Август усулдук окуусунда ар бир предметтик  секция жетекчилери өз пландарын иштеп чыгып, пландын негизинде темалардын алкагында 20 мүнөтттүк презентация, 10 мүнөттүк мастер класстартар берилди. Август усулдук окуусу  “Ар тараптуу жана адилеттүү, сапаттуу билим берүү  менен,  бардыгы үчүн өмүр бою билим алуу мүмкүнчүлүгүн жайылтуу” чакырыгынын негизинде жыйынтыкталды.

Г.Б. АЙТИКЕЕВА, Ала-Бука райондук билим берүү бөлүмүнүн усулдук канасынын башкы усулчусу