918 Бардыгы /

БИШКЕК. 800дөн ашуун кыргызстандык суу жана айыл чарба адистери кийинки үч жыл аралыгында Чүй облусуна караштуу Сокулук районунун Фрунзе айылындагы жаңыдан оңдолгон окуу борборунда окутулат. АКШнын Эл аралык өнүктүрүү агенттиги (USAID) аркылуу борборго жаңы эмеректерди, кеңсе жабдууларды жана ашкана шаймандарын камсыз кылууга колдоо көрсөттү.

Баса, Айыл чарба министрлигине караштуу Суу ресурстары кызматы тарабынан башкарылган бул окутуу борбору билим алуу жана инновациялык хаб катары иш жүргүзүп, адистерди суу ресурстарын комплекстүү башкаруу, “Суу-Энергия-Тамак-Экосистемалар чогуу иштеши” принциби, акыркы заманбап инновациялар, өсүмдүк продукция жана башка маанилуүү көндүмдөргө үйрөтүп, сууну натыйжалуу пайдаланууга жөндөмөкчү. Бул азык-түлүк коопсуздугун, экономикалык өсүштү жана климаттын өзгөрүшүнүн таасирине дагы туруктуулукту колдойт. Кыргызстандык суу жана айыл чарба адистерин окутуу борборунун ачылыш аземине Айыл чарба министринин орун басары Мурат Раматов, USAIDдин Экономикалык өнүгүү кеңсесинин директору Джеймс Лайкос, Суу чарба департаментинин директору Алмазбек Сокеев, ошондой эле институттун жана аталган окуу борбордун директору Жаныбек Керималиев катышышты.

– Кыргыз коомчулугу, Кыргыз Өкмөтү жана жергиликтүү өз алдынча башкаруу органдары менен өнөктөштүк аркылуу биз бардык кыргызстандыктардын жашоо сапатын жакшыртып гана жатабыз. Модернизацияланган окуу борбору Кыргыз Республикасынын Айыл-чарбасына дагы, суу чарба тармагына дагы мыкты пайда алып келип, өлкөнүн экономикалык жана экологиялык өнүгүүсүнө колдоо көрсөтөт деп терең ишенебиз! – деди USAIDдин Экономикалык өнүктүрүү кеңсесинин директору Джеймс Лайкос.

          – Ушул тапта Айыл чарба адистеринин дараметин, квалификациясын жана билим деңгээлин жогорулатуу Айыл чарба министрлигинин эң маанилүү милдеттеринин бири болуп саналат. Анын негизинде облустук суу чарба USAIDдин экологиялык долбоорунун алдында модернизацияланган атайын окуу борбору ачылды. Бул борбор кесипкөй жана тажрыйбалуу адистерди даярдап, өлкөнүн агро өнөр жай комплексин мындан ары өнүктүрүүгө салым кошот деп ишенем! – деп агынан жарылды Айыл чарба министринин орун басары Мурат Раматов.

          АКШ тарабынан аталган окуу борборундагы жаңыртуулар USAIDдин суу жана айлана-чөйрө боюнча аймактык иш-чарасы аркылуу гана жүзөгө ашырылды. Дагы көбүрөөк маалымат алуу үчүн Улуттук саясат боюнча адис Наргиз Осмонова менен төмөнкү дарек боюнча байланышсаңыз болот: nargiza.osmonova@tetratech.com же +996555 882 848.

Алишер ТОКСОНБАЕВ, өз кабарчы