543 Бардыгы /

ЖАЛАЛ-АБАД. Бүгүн 21-августта Жалал-Абад ОИИБдин имаратында жаӊыдан кызматка дайындалган кызматкерлер өздүк курамга тааныштырылып, атайын наам жана медалдар тапшырылды.

Жалал-Абад ОИИБдин басма сөз кызматы билдиргендей, ИИМдин буйругуна ылайык милициянын подполковниги Нурлан Озгонов Аксы РИИБдин башчысынын кадр боюнча орун басары, милициянын подполковниги Алмазбек Самидинов Жалал-Абад ШИИБдин башчысынын кадр боюнча орун басары, милициянын подполковниги Кубат Сатыбалдиев Базар-Коргон РИИБдин башчысынын кадр боюнча орун басары, милициянын майору Асан Камчыбек уулу Токтогул РИИБдин башчысынын кадр боюнча орун басары кызматына дайындалды.

Ошондой эле Жалал-Абад ОИИБдин тергөө кызматынын өзгөчө маанилүү иштер боюнча улук тергөөчүсү Тилек Борбуевге милициянын подполковниги атайын наамы ыйгарылды.

Мындан сырткары эл аралык мелдештерде байгелүү орундарды багындырган кызматкерлер медаль, диплом, баалуу белектер жана Жалал-Абад ОИИБдин башчысынын ыраазычылык каты менен сыйланышты.

Жалал-Абад ОИИБдин башчысы Жеӊишбек Абитов кызматка дайындалган кызматкерлерди жана сыйлык ээлерин куттуктап, элибиз үчүн ак ниеттүүлүк менен кызмат өтөөгө чакырды.