1,242 Бардыгы /

          ЫСЫК-КӨЛ. Ысык-Көл облусунун Чолпон-Ата шаарында республикабыздагы облустук гезиттердин башкы редакторлорунун башын бириктирген «Аймактык гезиттерди өнүктүрүүнүн стратегиясы» аталышындагы семинар-кеңешме аяктады. Иш-чарага облустук гезиттердин башкы редакторлору менен кошо Маданият, маалымат, спорт жана жаштар министрлигинин өкүлдөрү Бектур Ибрагимов жана Салкын Сарногоевалар дагы катышышты.

Аталган кеңешмеде гезиттин азыркы жана мурдагы абалы кең-кесири талкууланып, бир катар олуттуу сунуш-пикирлер дагы кошо айтылды. Ошондой эле бир нече облустук гезиттер соцалидык тармактарда өз баракчаларын ачып, активдүү иштеп жатышкандыгын, мамлекеттин саясатын аймактарга жеткирүүдө гезиттер дагыле маанилүү ролду ойношоорун, гезиттин окугандардын саны дагыле арбын экендигин, андыктан, жергиликтүү баслмаларды таптакыр жоюп  салуу тарыхый катачылык болоору ачык айтылды.

Аталган иш-чаранын жүрүшүндө Ош облустук «Ош жаңырыгы» коомдук-саясий гезитинин башкы редактору Асанбек Каракозуев гезиттердеги материалдарды социалдык тарматкарда дагы жайылтуу, аны менен катар эле гезиттердеги эң маанилүү материалдарды видео форматта чыгаруу заман талабы экендигин баса белгиледи.

• Облустук гезиттерди гезит боюнча эле калтырбай, андагы

материалдарды интернет булактарына, социалдык баракчаларга чыгаруу дагы абзел! Муну менен катар эле гезитке жарыяланган маанилүү материалдарды видео форматка өткөрүү. же видеолоштуруу сөзүсз абзел! – деди Ош облустук «Ош жаңырыгы» коомдук саясий гезитинин башкы редактору Асанбек Каракозуев.

          Мындан тышкары Кргызстандагы жети облустук гезиттин башкы редакторлору «Гезит ТВ» жана бирдиктүү сайт ачууну дагы өз ара кеңешип-таңашып, акырында бир пикирге келишип, өз ара тажрыйба дагы алмашышты.

Буга чейин республикабыздагы жети облустук гезиттин башкы редакторлорунун семинар-кеңешмеси Жалал-Абадда өткөн эле. Бул жолу семинар-кеңешме экинчи туру аяктады. Эми кийинки кеңешме Нарында болоору пландалды.

Алишер ТОКСОНБАЕВ, өз кабарчы