1,671 Бардыгы /

БИШКЕК. Бишкек шаардык кеңешинин депутаты Дамира Жолдошалиева быйылкы жылдын 25-сентябрдан баштап 2-октябрына чейин улана турган “Мугалимге рахмат” сынагынын башталышын билдирди. Бул тууралуу ал Instagram баракчасына жазды.

Бишкек шаардык кеңешинин басма сөз катчысы билдиргендей, шаардык кеңешинин депутаты Дамира ЖолдошалиеваInstagram баракчасына төмөндөгүлөрдү жазган.

«Келгиле, келе жаткан жумада мугалимдерибиздин урматтоосун өзгөчө өткөрөлү!”. 2023- жылдын 25-сентябрынан 2-октябрына чейин биз бир чоң жамаат катары мугалимдерибизди жана тарбиячыларыбызды майрам менен куттуктап, алардын жасаган эмгегине таазим этип, ыраазычылыктарыбызды билдиребиз. Бирок бул жөн эле сынак эмес, бул биздин мугалимдерибизди – бизге дем берип, билим дүйнөсүн ачкан учурларды эстей турган учур. Аларга сөз менен гана эле эмес, жүрөгүбүз менен да “ырахмат” деп айта турган учур.

Бул сынактын максаты –мугалимдердин жашообузду кандайча өзгөрткөндүгү тууралуу окуяларыбыз менен бөлүшүү жана бизди дагы да жакындатуу.

1. Менин @damirazholdoshalieva баракчама жазылып биздин Instagram үй-бүлөбүздүн мүчөсү болуңуз.

2.Мугалимиңиз тууралуу окуяңызды пост же видео аркылуу бөлүшүңүз, ал сизге кантип дем бергенин жана сизге кандай эшиктерди ачканы тууралуу айтып бериңиз. Толук аты-жөнү менен мугалимдин сүрөтү жана мектеп номерлери же мугалим менен же мугалим тууралуу видеолор дагы кабыл алынат.

3.Мени постуңуздарга белгилеп коюңуз абзел, ошондо гана мен сиздердин эмгегиңиздерди көрө алам.

Сынак 2023-жылдын 2-октябрына чейин бир жумага созулат, андыктан ар бириңиз өзүңүздүн таң калыштуу окуяңыз менен бөлүшө аласыз. Андан кийин мен үч жеңүүчүнү тандап алам, аларга төмөнкү сыйлыктар ыйгарылат:

Биринчи орун: 10 000 сом – өзүңүздү белек менен кубантуу үчүн.

Экинчи орун: 5000 сом – биздин ыраазычылыгыбызды белгилеген кичинекей белек катары.

Үчүнчү орун: 2 000 сом – өзүңүздү даамдуу нерсе менен сыйлоо үчүн.

Ал эми эң жагымдуу бонус – бул биргелешкен майрамдык түшкү тамак, анда жеңүүчүлөрдү жана алардын мугалимдерин чогуу даам ооз тийип кетүү үчүн чакырам.

Мугалимдериңизге ыраазычылык билдирип, укмуштуудай сыйлыктарды утуп алуу мүмкүнчүлүгүн колдон чыгарбаңыз!”,-  дейт депутаттын жарыялоосунда.

Андыктан келгиле, мугалимдерибизге ыраазычылык билдирүү үчүн челлендж уюштуралы!

Сиздерди 10,000 сом, 5,000 сом, 2,000 сом акчалай сыйлыктар күтөт.