831 Бардыгы /

ЖАЛАЛ-АБАД. Кечээ, 4-декабрда К.Ш. Токтомаматов атындагы Эл аралык университетинде Адам укуктарынын жалпы декларациясынын 75 жылдыгына карата адам укуктары темасында сүрөт жана ар кандай кол өнөрчүлүк буюмдарынын көргөзмөсү болуп өттү.

К.Ш. Токтомаматов атындагы Эл аралык университетинин Кесиптик багыт берүү коомчулук менен байланыштар кызматы билдиргендей, аталган окуу жайда (ЭАУ, Жалал-Абад ш.) Адам укуктарынын жалпы декларациясынын 75 жылдыгынын урматына адам укуктары темасында сүрөт жана ар кандай кол өнөрчүлүк буюмдарынын көргөзмөсү, ошондой эле студенттер үчүн бул темада викторина өткөрүлдү. Аталган иш-чаралар БУУнун Адам укуктары боюнча Жогорку комиссарынын башкармалыгынын, “SmartJaran” коммерциялык эмес уюмдар ассоциациясынын, “Жаңы ритм” коомдук бирикмесинин, “Укук коргоочулардын жаңы мууну” маалымат тармагынын жана Ош областтык сүрөт музейинин көмөгү менен уюштурулган. Көргөзмө жана викторина ЭАУнун студенттеринин чыныгы кызыгуусун жаратты. Ушул иш-чараларды университеттин аянттарында илгерилеткен ЭАУнун юридикалык кафедралары өзгөчө ыраазычылыкка татыды.