1,188 Бардыгы /

Касымалы Жантөшев атындагы Ысык-Көл облустук музыкалык драма театры чыгармачылык сапар менен Ош шаарын кыдырат. Бул туурасында Маданият, маалымат, спорт жана жаштар саясаты министрлигинен кабарлашты.

          Ушуга ылайык, артисттердин чыгармачыл туру 29-февралдан 4-мартка чейин улантылат. Аталган театр труппасы Чыңгыз Айтматовдун «Ак кеме»  спектаклин жана Султан Раевдин «Күн кармаган бала» спектаклин Ош шаарынын тургундарына жана меймандарына тартууламакчы. Программага ылайык спектаклдер ушул жылдын 3-4-март күндөрү Ош шаарындагы Бабур атындагы Ош мамлекеттик академиялык Өзбек музыкалык драма театрында көрөрмандарга тартууланат.

          Маданият, маалымат, спорт жана жаштар саясаты министрлиги «Күн кармаган бала» спектакли менен 2023-жылдын сентябрь айында Бишкекте өткөн ART ORDO-2023 IX Эл аралык театр фестивалында жана 2023-жылдын октябрь айында Баку шаарында биринчи эл аралык театралдык фестивалда баш байгени жеңип алгандыгын белгиледи. Ал эми «Ак кеме» спектакли 2023-жылдын декабрь айында Бишкектеги «Айтматов жана театр»  VI эл аралык театр фестивалында баш байгенин бирине (кичи спектакль) ээ болгондугун кошумчалады. Аталган спектаклдер күнүнө эки жолу коюлат.

          Алишер  ТОКСОНБАЕВ, өз кабарчы