672 Бардыгы /

Кытайдагы жибек искусствосунун дизайнери, «Фан Яньянь» брендинин негиздөөчүсү, атактуу арт-дизайнер Фань Яньянь баштаган делегация Ош мамлекеттик университетине сапарлап келишти.

ОшМУнун басма сөз кызматынан билдиришкендей, делегациянын курамында белгилүү дизайнерлер Ли Фэн, Гун Чэн, режиссер, жазуучу Чжоу Синь, Билим берүү жана илим министринин кеңешчиси, Бишкек мамлекеттик университетинин алдындагы Конфуций институтунун директору Гүлзат Исаматова, ОшМУнун ага окутуучусу Мейизкан Кадырова дагы бар.

Коноктор адегенде ОшМУнун Кыргыз-Кытай жана искусство факультеттери менен таанышышты. ЖОЖдун башкы имаратында искусство факультетинин окутуучулук курамынын сүрөт, декоративдик колдонмо өнөр көргөзмөлөрүнө дагы күбө болушту. Буга улай ОшМУнун ректору Кудайберди Кожобеков баштаган түзүм жетекчилери, ошондой эле исскуство факультетинин окутуучулары менен дагы расмий жолугушушту.

Жолугушуу маалында Фань Яньянь ОшМУнун ректорунун окуу жайга чакыруусуна тереё ыраазычылыгын  билдирип, ОшМУ менен биргеликте Кыргызстан менен Кытай мамлекеттерин бириктирген искусство жана маданият жаатында биргелешкен долбоорлорду жүзөгө ырааттуу ашырып, адистердин тажрыйба алмашуусу жаатында дагы өз ара тыгыз кызматташууларга кызыкдар экендигин жашырган жок.

Жолугушуунун биргелешкен долбоорлорду жүзөгө ашыруу, Кытай жана Борбор Азия мамлекеттеринин кол өнөрчүлөрүнүн ассоциациясын түзүү, заманбапе Жибек Жолу устаканасын ачуу долбоорлору боюнча дагы сөз жүрдү. Окуу жайдын ректору Кудайберди Кожобеков ОшМУнун 4-муундагы университетке багыт алуусунда мындай байланыштардын орду чоң экендигин баса белгиледи. Андан  ары коноктор үчүн маданий иш-чара уюштурулуп, анда Кыргыз улуттук костюмдарынын жана дагы стилдештирилген заманбап костюмдардын коллекциясы боюнча мода көргөзмөсү өткөрүлдү. Ал эми күндүн экинчи бөлүгүндө коноктор ОшМУнун индустриалдык-педагогикалык колледжи жана окуу-өндүрүштүк комплекси менен кенен-чонон таанышышты.

Кытайдын жибек искусствосунун дизайнери Фан Яньянь – Кытайдын маданиятын жана Улуу Жибек Жолун чагылдырган биринчи сүрөтчү. 2023-жылдын май айында «Фан Яньянь искусство борбору» Сиань шаарында өткөн Борбордук Азия саммитинде Кыргызстандын биринчи айымы Айгүл Жапарова менен жолугушкан. Фан Яньяньдын жибек сериясы Борбор Азия саммитинин расмий VIP белеги сыёары тандалган.

Үстүбүздөгү жылдын февраль айында Кыргыз делегациясынын Кытайга жасаган жумушчу сапарынын алкагында Кыргыз Республикасынын билим берүү жана илим министри Догдуркүл Кендирбаева Шэньси провинциясынын аялдар федерациясынын төрагасы Ли Цин жана арт-дизайнер Фан Яньянь менен жолугушкан. Анда тараптар эки өлкөнүн жогорку окуу жайларынын креативдүү индустрияны өнүктүрүүгө катышуусун дагы кеё-кесири талкуулашкан.

Алишер  ТОКСОНБАЕВ, өз кабарчы