795 Бардыгы /

Кыргыз Республикасынын Президентинин Указына ылайык Батырали Сыдыков атындагы Кыргыз-Өзбек Эл аралык университетинде Кара-Кыргыз автономиялуу облусунун түзүлгөндүгүнүн 100 жылдыгына жана Кыргыз-Өзбек Эл аралык университетинин 30 жылдык маарекесине арналган «Заманбап илимий жана инновациялык ишмердүүлүктө студенттердин ролу» аталышындагы Эл аралык илимий-практикалык конференция өз ишин аяктады.

«Заманбап илимий жана инновациялык ишмердүүлүктө студенттердин ролу» атаышындагы илимий-практикалыкконференциянын катышуучулары адегенде окуу жайдын маданий-эстетикалык борбору тарабынан даярдалган концерттик программага күбө болушту. Ал эми конференциянын расмий бөлүгүндө университеттин ректору, профессор Абдилбает Мамасыдыков, ошондой эле алыскы жана жакынкы өлкөлөрдүн жогорку окуу жайларынан келишкен окумуштуулар куттуктоо сөздөрүн сүйлөштү.

Ал эми Пленардык жыйынды Орусия, Казакстан, Германия жана Өзбекстан мамлекеттеринин ЖОЖдорунан келишкен жана Кыргыз Республикасынын жаш илимпоздорунун докладдары улантты. Бул маанилүү иш-чаранын экинчи бөлүгү секциялык иштерде жүргүзүлдү. Аталган Эл аралык конференция онлайн жана офлайн өңүтүндө дагы уюштурулуп, катышуучулар тарабынан жалпысынан 350дөн ашык доклад окулду. Мында секция башчылары жаш илимпоздордун жасаган докладдарынын артыкчылыктарын кеңири талданып, актуалдуулугун дагы кенен-чонон талкуулашты. Секциялык иштерден соңку пленардык жыйында мыкты деп табылган доклад ээлерине окуу жайдын жетекчилиги тарабынан Ардак дипломдор тапшырылды. Жыйындын соңунда окумуштуулар мындай илимий-практикалык канференциянын Эл аралык деңгээлде уюштурулушу жаштардын илимге карата  кызыгуусун ого бетер арттырып, студенттердин өз ара мамилесинин жана достугунун бекемделишине дагы өбөлгө жаратаары айтылып, иш-чаранын соңунда резолюция кабыл алынды.

Ошентип, аталган студенттик илимий-практикалык конференция Батырали Сыдыков атындагы Кыргыз-Өзбек Эл аралык университетинин табигый-педагогикалык жана маалыматтык технологиялар факультети тарабынан демилгеленип, ЖОЖдун Илим бөлүмү менен биргеликте уюштурулду.

Алишер ТОСКОНБАЕВ, өз кабарчы