27 Бардыгы /

Кечээ, 15-октябрда Мамлекеттик тил жана тил саясаты боюнча улуттук комиссиянын төрагасы Мелис Мураталиевдин катышуусунда “Мамлекеттүүлүк жана мамлекеттик тил” аталышындагы жыйын өткөрүлдү.

Ага Кыргыз Республикасынын Президентинин Жалал-Абад облусундагы ыйгарым укуктуу өкүлүнүн аппарат жетекчиси Жаныш Раимжанов, райондук мамлекеттик администрация башчылары, мамлекеттик жана муниципалдык мекеме-ишканалардын жетекчилери, билим берүү кызматкерлери жана жергиликтүү өз алдынча башкаруу органдарынын өкүлдөрү катышты.

Жолугушуунун максаты, бүгүнкү күндөгү мамлекеттик тил саясатын жайылтуу, кызматкерлердин мамлекеттик тилди билүү деңгээлин жогорулатуу болуп саналат. Жыйында кыргыз тилинин өнүгүү тарыхы, азыркы учурдагы абалы тууралуу сөз болуп, облустагы иш кагаздарды мамлекеттик тилде жүргүзүү, орун алып жаткан кемчиликтер аталды.

Жыйындын экинчи бөлүгүндө мамлекеттик жана муниципалдык кызматкерлер үчүн “Иш кагаздарын типтүү нускамага, жазуу эрежелерине ылайык тариздөө жана жүргүзүү” боюнча окутуу семинары өткөрүлдү.