3 Бардыгы /

Кыргыз жоокерлери Тажикстанда өтүүчү «Рубеж—2024»машыгуусуна катышып жатышат. Машыгуудагы негизги тапшырма – тышкы аскердик агрессиянын мизин токтоосуз кайтаруу жана контртеррордук операцияларды биргелешип жүргүзүү.

        Кыргыз Республикасынын Коргоо министрлигинин маалыматына караганда, Куралдуу күчтөрдүн 50гө жакын аскер кызматчысы «Кант» авиабазасынан учуп кетишти. Тажикстандын «Харбмайдон» полигонунда Борбордук Азия аймагынын тез жайылтуучу жамааттык күчтөр менен «Рубеж — 2024» биргелешкен машыгуусунда ЖККУга мүчө мамлекеттин аймагына басып кирген мыйзамсыз куралдуу түзүлүштөрдү жок кылуу боюнча аскердик аракеттерди даярдоо жана жүргүзүү маселелери иштелип чыгат.

        Баса, «Рубеж — 2024» биргелешкен машыгуусунун эң негизги максаты – тышкы аскердик агрессиянын мизин өз убагында кайтаруу жана контртеррордук операцияларды биргелешип жүргүзүү.

Алишер ТОКСОНБАЕВ, өз кабарчы