6 Бардыгы /

Кыргызстандын Түштүк башкалаасында мектеп мугалимдер окутуудан өткөрүлүп жаткан чагы. Маалыматка караганда, мындай окутуу мугалимдердин жана билим берүү мекемелеринин жетекчилеринин кесиптик чеберчилигин жогорулатуу максатында гана Ош мамлекеттик университети менен Ош шаардык билим берүү башкармалыгынын келишиминин негизинде жүзөгө ашырылууда.

Аталган иш-чарага байланыштуу ОшМУда Ош шаарынрын мэри Бакытбек Жетигенов, ОшМУнун биринчи проректору Руслан Арапбаев, Ош шаардык билим берүү башкармалыгынын башчысы Салтанат Аманов ажана дагы калаадагы мектеп директорлорунун катышуусунда атайын жыйын өткөрүлдү. Иш-чаранын жүрүшүндө окуучулардын билим деңгээлин жана сапатын жогорулатуу маселеси орой-чарай талкууланып, билим берүүнүн сапатын арттырууда мектеп директорлорунун орду, 2022-2023-жылдарга карата жалпы республикалык тестирлөөсүнө жүргүзүлгөн талдоо боюнча маалыматтар дагы берилди.

Белгилей кетчүү жагдай: аталган курска жалпы жонунан Ош шаарындагы билим берүү башкармалыгына караштуу 70 билим берүү мекемелеринин директорлору жана мугалимдери катышып жатышат. Жалпысынан 840 адис кесиптик чеберчиликти жогорулатуу курсунан өтүшмөкчү.

Алишер ТОКСОНБАЕВ, өз кабарчы