9 Бардыгы /

Бүгүн, 5-мартта келе жаткан 8-Март — Аялдардын эл аралык майрамына карата 150 айымдын катышуусунда салтанаттуу иш-чара өткөрүлдү. Ага Кыргыз Республикасынын Президентинин Жалал–Абад облусундагы ыйгарым укуктуу өкүлү Тилек Текебаев катышып, айымдарды майрам менен куттуктады.

Облус башчысы Т.Текебаев өз сөзүндө аялзаты ар дайым үй-бүлөнүн куту, коомдун таянычы экенин белгилеп, алардын мээрими, акылмандыгы жана талыкпас эмгеги ар бир үй-бүлөнүн бекемдигине, мамлекеттин өсүп-өнүгүшүнө зор салым кошуп келе жатканын белгилеп, айымдарга ден соолук жана узак өмүр каалады.

Иш-чара Токтосун Тыныбеков атындагы облустук филармониянын жана Барпы Алыкулов атындагы кыргыз драма театрынын чыгармачылык жамааты тарабынан даярдалган концерттик программа жана театралдаштырылган көрүнүштөр менен коштолду.

Белгилей кетсек, быйыл майрамга карата облус башчысынын резервдик фондунан 300 миң сом акча каражаты бөлүнүп, салтанатка катышкан 150 айымдын жеке эсептерине которулду.