2,617 Бардыгы /

Улуу Ата Мекендик согуштун бүткөнүнүнө жана Улуу Жеңиштин 70 жылдыгын 8 айдан кийин белгилейбиз, жараткан эгем буйруса. Ошол күнү обончу, Кыргыз Эл артисти Түгөлбай Казаковдун, Кыргыз Эл акыны Төлөгөн Мамаеевдин сөзүнө жазылган “Биз турмушка аталардан кеч келип, Тээ батышта адам канын кечпедик. А аталар төрөлө элек биз үчүн, Кала берди танк алдында тепселип…” деген обонун Б. Жакиев жана 6 миллион кыргыз журташтары ырдап турабыз өңгөчүбүз айрылганча. Бул обон Улуу Жеөиштин 100 жылдыгында да 200 жылдыгында да 500 жылдыгында да ырдала бемекчи. Т. Казаков жараткан “Насикат” обону насикатка муктаждык болуп турганда, ” Жамгыр” жамгыр төккөн сайын, “Сүйүү жазы” ар жыл көктөм келген сайын, “Шумкар” баатырлар менен саткындар жашап турганда ырдала бермекчи. Кыргыз республикасынын Эл артисти Түгөлбай Казаков улуу акын Молдо Нияз сымал, эскирбес руханий (“нерукотворный”) мурас калтырып жатат келечек муундарга. Ошондуктан Токтогул атындагы сыйлыкка обончу Түгөлбай Казаковдун чыгармалары татыктуу деп миллиондогон кыргыз музыка сүйүүчүлөрү эсептейт. Ал эми комиссиядагы 25 киши деңиздин бир тамчысы. Эстери барда этегин жыйышса жакшы болмок. Расул Гамзатовдой же Дооранбек Садырбаевдей интелектуал Президент болгондо, Кыргызстандын тунгуч Премьер- министри, вице-президенти Насирдин Исанов жана Түгөлбай Казаков, өңдүү калк сыйлаган инсандарга Кыргыз Республикасынын Баатыры наамын берүү жөнүндө Указга эчак эле кол коймок… Буйруса андай Президент да чыгып калаар жакында. Ошондуктан замандаш, эскирбес эмгек калтыр жер үстүндө, урпактар эстеп турчу сен жөнүндө.

Каныбек Абдыкадыров,коомдук ишмер