7,597 Бардыгы /

Алдей бөбөк ыйлаба ,
Ата-энеңди кыйнаба.
Элди жоодон коргогон,
Журт баатыры болоор бекенсин.
Алдей бөбөк ак бөбөк,
Ак бешикке жат бөбөк.

Тарыхка кайрылсак эң алгачкы бешик биздин заманыбыздын биринчи жүз жылдыгына таандык, Ал археологиялык казуулардын натыйжасында Орто Азияны мекендеген Жети-Суу өөрөнүндө табылган.Бешик жалпы түрк дүйнөсүнө:кыргыз,түрк,өзбек,казак улуттарына таандык.Бешиктин пайда болуусуна бирден-бир түз таасир эткен даана факт катары көчмөн элдердин көчүп конуусу наристеге ыңгайлуу шартты жаратуу.Себеби уктап жаткан наристени аярлап атка же төөгө артып көчүп конушкан.
Бешик баланын ден-соолугу үчүн сөөктөрдү түз жана тың бир калыпта өсүшүнө аны менен катар наристенин психологиясынын калыптануусуна чоң таасирин тийгизет.Бешик негизинен арчадан,кайыңдан,кара талдан,жаңгактан же болбосо суунун жээгинде өскөн теректен жасалат.Бешиктин эң эле баалуусу арча бешик анын азыркы талапка койгон баасы 10 000 сомдон жогору турат ал эми талдан жасалган бешиктер 1000-2500 чейин.Арча бешик усталары сейрек гана кездешет.Жалал-Абад шаарында арча бешикти кездештире албай сатуучулардан сурасак Базар-Коргон районунда гана аз гана санда сатууга чыгат деп билдирди Х.Абдуллаева. Эзелтен эл оозунда жүргөн накыл сөз “Бешикти соодалашпайт”-деп коёт эмесби? Сатуучунун айтымында көпчүлүк учурда жаш жубайлар келип ырым жырымдарды билбей эле бешикти соодалашып алып кетет, ал эми жашы улгайган адамдарга бир бааны эле айтсак өздөрү билип эле өз наркында алып кетишет дейт Х.Абдуллаева.

Адина Өсөрөва “Аймак”