2,651 Бардыгы /

Аксы районунун Кош-Дөбө айылынын тургуну, эмгектин ардагери, кесиби боюнча физик-математик, эл агартуунун отличниги Муратбек Дөөлөтбековду ушул мезгилге чейин эч ким санжырачы катарында көргөн эмес. Мезгилинде Кыргызстан Улуттук университетинин физика-математика факультетин эң мыкты аяктап Ташкенттеги Өзбек республикасынын илимдер академиясынын Ядролук физика институтунун илимий кызматкери болуп иштейт. Илимий изилдөөлөрү үчүн Ардак грамоталарды, баалуу сыйлыктарды алууга татыган. «Темирбетондун гамма -гарфиясы» деген илимий эмгеги «Ташкентская конференция по мирному использованию атомной энергия» аттуу Бүткүл союздук илимий конфернецияда эң мыкты илмий изилдөө катары бааланып конференцияныны материлдарынын 3 томдук эмгектеринин 2-томдугунда жарыяланган. Бирок, ден соолугуна байланштуу илимий изилдөөлөрүн, кандидаттык дисертациясын уланта албай айылга катардагы мугалим болуп келип калат. Андан соң партия лык, чарбалык иштерде иштеп, ардактуу эс алууга чыгат. Муратбек Дөөлөтбеков карыянын «Тагай бийдин урпактары» китебинин бет ачар аземине Аксы райондук мамлекеттик администрациясынын башчысы-акими Медет Айдаралиев да катышып, Муратбек Дөөлөт беков тууралуу кенири маалымат берип, китептин маани маңызына токтолуп, карыяга өз ыраазычылыгын билдирди.
Быйыл Муратбек Дөөлөтбеков карыя туптуура 80 жашка толуп турган курагында көп жылдардан бери изилдеп келе жаткан «Тагай бийдин урпактары» деген аталыштагы китебин балдарынын колдоосу, илимдин доктурларынын рецензиясы менен толуктап басмадан чыгарууга жетишти. Китептин ачылуу аземинде бул тууралуу айылдашы, Темиркул Мавлянов атындагы орто мектептин кыргыз тили жана адабияты сабагынын мугалими Сыдык Хайдаров кеңири баяндамасында айтып берди.
Китеп Кыргыз республикасынын Президентинин жана өкмөтүнүн иш башкармалыгынын алдындагы «Типография» МИ басмасында 300 нуска менен басылып чыккан. Китеп негизинен төрт бөлүмдөн туруп «Бабалар дастаны», «Тегим жөнүндө баян» жана «Чиенин урпактары» деген негизги бөлүмдөрдү ичине камтып Тагай биден берки санжыраны баян эткен. Өзгө санжырачылардан айрымаланып китепте илимий изилдөөлөргө басым жасалып, тарыхый фактылар менен аныкталган, такталган маалыматтар менен сажыра бышыкталгандыгында болуп калды. Китептин бет ачар аземинде чыгып сүйлөгөндөр Муратбек Дөөлөтбеков карыянын адамкерчилиги, ак ниет таза иштегендиги, ар тараптуу билимдүү адам экендигине да кенири токтолушуту. Сый урматтарын көрсөтүштү. Акырында айтарыбыз китебиниз жаш муундарга пайдасын тийгизип,элибиздин ынтымагын чыңдап, мамлекеттүүлүктү чындоо жылында чон эмгектердин бири болуп калсын демекчибиз.Жыйындын акырында Муратбек Дөөлөтбеков аксакал китеп тууралуу өзүнүн пикирин айтып, келген меймандарга ыраазылыгын билдирди.

Абдымомун Калбаев.