4,408 Бардыгы /

Жалал-Абад шаарындагы №13 Розы Азимов атындагы орус-өзбек орто мектебинде “Залкар манасчы Жусуп Мамайга таазим” деген аталышта музыкалык адабий кече болуп өттү.
Кеченин негизги максаты тууралуу кыргыз тили мугалими Сыдыкова Айсулуу: “Бүгүнкү адабий-кечени өткөрүп жатканыбыздын себеби Кытайда жашаган манасчы Жусуп Мамай тууралуу окуучуларга кеңири жеткирүү. Албетте бизде Жусуп Мамай жөнүндө маалыматтарыбыз аз, бирок ошого карабастан дагы да иликтеп, издеп окуучуларыбызга мындан ары да терең үйрөтүүгө аракет жасайбыз”- деп билдирди
Иш-чаранын жүрүшүндө окуучулар манас айтышып, ыр, бийлерин жана улуттук оюндарды көрсөтүшүп, комуз, ооз комуз чертишти. Адабий кеченин аягында окуучулардан Жусуп Мамайдын ролун аткарган бала манасчынын батасы менен аяктады.
Бул туураларуу Жалал-Абад шаарынын мамлекеттик тил комиссиясынын башкы адиси Үпөл Асаналиева төмөндөгүлөргө токтолду.
-Негизинен шаарыбызда кыргыз тилин көтөрүү максатында шаар боюнча бөтөн тилдүү мектептерде кыргыз тилинде ачык сааттарды өткөрүүнү баштадык. Жусуп Мамай кыргыз тарыхын ушул күнгө чейин жеткирип келгени тууралуу бүгүнкү иш чарада да анык көрсөтүлүп турат. Негизи 2014-жылдан 2017-жылга чейин Жалал-Абад шаардык мэриясы тараптан Ж.Мамайдын 100 жылдыгына карата көптөгөн иш-чаралар пландалып жатат. Мына бүгүн алгачкысы болуп өттү. Бул иш-чара өз деңгээлине жетти жана абдан кызыктуу өттү,-дейт Ү.Асаналиева.
Эскерте кетсек Кытай эл Республикасында жашаган кыргыз манасчысы Ж.Мамай Кызыл Суудагы Акчий ооданын Мерекеч кыштагында 1918-жылы малчынын үй-бүлөсүндө туулган. 40 жашка чыкканга чейин аян алып жүрүп анан манас айта баштаган.

Санрабия Сатыбалдиева, “Аймак”