1,350 Бардыгы /

ЖАЛАЛ-АБАД. Үстүбүздөгү жылдын 22 жана 29-сентябрында К.Ш. Токтомаматов атындагы Эл аралык университеттин (ЭАУ, Жалал-Абад ш.) экономика илимдеринин кандидаттары окумуштуулук даражасын алуу үчүн диссертациялык иштери онлайн тартибинде талкуудан өттү. Бул тууралуу ЭАУнун кесиптик багыт берүү жана коомчулук менен байланыштар кызматы маалымдады.

К.Ш. Токтомаматов атындагы Эл аралык университеттинэкономика жана экономикалык изилдөөлөр кафедрасынын кеңейтилген отурумунда ЭАУнун аспиранттары Н.М. Ажиматованын, А.М. Жороеванын, Ч.К. Кадырбекованын жана Г.С. Жамашеванын 08.00.05 – “Экономика жана эл чарбасын башкаруу” адистиги боюнча экономика илимдеринин кандидаты окумуштуулук даражасын алуу үчүн диссертациялык иштери онлайн тартибинде талкуудан өттү. Аталган аспиранттар диссертациялык иштеринин мазмунун жогорку деңгээлде ачыктап, алардын иштери диссертацияларын кийинки деңгээлдерде жактоого бир добуштан сунушталды. Жаш илимпоздорубузга илимий изилдөөлөрүндө, кандидаттык диссертацияларын жактоодо ийгиликтерди каалайбыз!

“Аймак”