Аймак

МИЛИЦИЯ УЮШКАН КЫЛМЫШТУУ ТОПТУН МҮЧӨСҮН КАРМАДЫ

МИЛИЦИЯ УЮШКАН КЫЛМЫШТУУ ТОПТУН МҮЧӨСҮН КАРМАДЫ

 624 Бардыгы /

2020-жылдын 22-сентябрь күнү милицияга Базар-Коргон районунун 1960-ж.т. тургуну А.Ш. арыз жазган. Ал өз арызында 2020-жылдын 19-март күнү Базар-Коргон районунун аймагында “Баха” аттуу жаран, “Бирөөдөгү карызыңды өндүрүп беремин жана тендерге байланыштуу иштериңерди силердин пайданарга чечип беремин” деп ишеничине кирип, ишеничинен кыянаттык менен пайдаланып 110 000 (бир жүз он миң) сом акчасын алдап алып, убада кылган иштерин бүтүрбөй же акчасын кайтарып бербей качып жүргөндүгүн билдирип, мыйзам чегинде чара көрүп берүүсүн суранган.

Жалал-Абад ОИИБдин басма сөз кызматы билдиргендей, аталган факты Жалал-Абад ОИИБдин КЖБРне катталып, КРнын Жазык кодексинин 204-беренесинин (Алдамчылык) негизинде сотко чейинки өндүрүш иши ачылган.

Тергөөнүн жүрүшүндө жабырлануучу А.Ш.: – “Баха” аттуу бала бирөөдөн ала албай жүргөн 200 000 (эки жүз миң) сом акчаңызды өндүрүп беремин жана сиз утулуп калган тендерди сиздин пайдаңызга чечип беремин, мен Жалал-Абаддагы зонанын смотрящийи менен сүйлөшүп чыктым, ал добро берди деп менден 110 000 (бир жүз он миң) сом акча бересиз, менин көчө балдарым бар, аларга бир “Жигули” машина алып бериш керек, ары-бери чапкылап, движение кылганы дегендигин жана ага ошол 110 000 сом акчаны 2020-жылдын 19-март күнү Базар-Коргон районунун Кеңеш айылында бергендигин көрсөткөн. Ошондой эле, кийинчерек ал телефонун албай менин иштеримди бүтүрбөй же мага акчамды кайра кайтарып бербей койгондуктан аргасыздан милицияга арыз менен кайрылдым деп билдирген.

Аталган сотко чейинки өндүрүш иши боюнча берилген тергөө тапшырмасынын негизинде Жалал-Абад ОИИБдин жетекчилигинин көзөмөлү астында ыкчам иликтөө иш-чаралары уюштурулуп, “Баха” аттуу атуул, Базар-Коргон районунун тургуну, мурда Россия Федерациясынын аймагында жана КРнын КЖКнын 167-бер. (Тоноо) менен соттолгон, 1981-ж.т. А.Б. экендиги жана ал криминалдык идеологияны колдоп, ошондой эле мурда соттолгондор менен тыгыз байланышта болуп жатканы үчүн, крим-чөйрөдө “Баха Базар-Коргонский” деп таанышкандыгы такталган. Белгилеп кетүүчү жагдай А.Б. 2010-жылдан тартып Кыргыз Республикасынын ИИМде уюшкан кылмыштуу топтун активдүү мүчөсү катары (Мыйзамдуу ууру «Вор в законе» К.Көлбаевтин уюшулган кылмыштуу тобуна кирет) каттоодо турган.

Сотко чейинки өндүрүш ишинин алкагында ОИИБдин КМКнын жана КРнын ИИМдин “Шумкар” АБПнын кызматкерлери тарабынан 2020-ж. 1-октябрь күнү шектүү колго түшүрүлүп, тергөөгө камсыздалган. Ошондой эле Жалал-Абад шаардык сотунун тергөө судьясынын тинтүү жүргүзүүгө уруксат берүү жөнүндөгү токтомунун негизинде, анын үйүнө тинтүү жүргүзүлгөн.

Учурда сотко чейинки өндүрүш ишинин негизинде тергөө амалдары жүргүзүлүп жатат.

«Аймак»

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17