2,274 Бардыгы /

ЖАЛАЛ-АБАД. Кечээ, 18-октябрда Аксы районунун Кара-Суу айыл аймагындагы N9 Жеңижок атындагы жалпы орто билим берүүчү мектебинин жаңы имаратынын ачылышы болуп өттү. Бул тууралуу Аксы районунун мамлекеттик администрациясы маалымдады.

Маалыматка ылайык, Кара-Суу айыл аймагындагы N9 Жеңижок атындагызаманбап мектептин курулушу Сауд өнүктүрүү фондунун эсебинен каржыланып курулуп бүткөрүлдү.

Мектептин ачылышына Кыргыз Республикасынын билим берүү жана илим министри Б. Купешев, Кыргыз Республикасынын Президентинин Жалал-Абад облустундагы ыйгарым укуктуу өкүлүнүн орун басары Р. Ызабеков, Аксы районунун мамлекеттик администрация башчысы-аким З.Сыдыков, айыл өкмөт башчылары, райондук мекеме- ишканаларынын жетекчилери катышышты.

Жаңы мектептин ачылышы жаш муундун жаркын келечиги үчүн илимдүү, билимдүү болуусуна жана татыктуу тарбия алуусуна өбөлгө болору талашсыз.