1,842 Бардыгы /

          ОШ. Таанымал журналист жана публицист Абдувахаб Мониев катуу оорунун кесепетинен кийин  каза тапты. Маркумдун сөөгү өзү туулуп-өскөн Араван районуна караштуу Чөгөм айылына эртең  коюлат.

          Абдувахаб Мониев акыркы мезгилде журналистикадан тышкары коомдук-саясий иштерге дагы абдан активдүү аралашып жүргөн. Ал бир катар китептердин автору, “Генерал Ысакбек” патриоттук демилгелерди колдоо коомдук фондунун президенти эле. Журналист эмгек жолун 1992-жылы Ош облустук “Ош жаңырыгы” гезитинде корректорлуктан  баштаган. Андан соң Араван районундагыЧөгөм орто мектебинде лаборант, республикалык “Асаба”, “Агым” гезиттеринде кабарчы болгон. “Учкун”, “Ош жаңырыгы” жана “Эркин-Тоо” басылмаларынын башкы редактору кызматын дагы абийирдүү аркалаган.

          Баса, Абдувахаб Мониев 1974-жылы Оштогу Араван районуна караштуу Чөгөм айылында туулган. Ош мамлекеттик университетинин филология факультетин 1998-жылы аяктаган.

Алишер ТОКСОНБАЕВ, өз кабарчы