ПАЙДАЛУУ СЕМИНАР

2,757 Бардыгы /

2022-жылдын 16-март күнү Ала-Бука районундагы Н.Бекменбетов атындагы № 7 жалпы орто билим берүүчү мектебинде “Интерактивдүү усулдарды пайдалануу менен математика сабактарында окуучуларды даярдоонун ыкмалары” деген темада математика мугалимдеринин райондук семинары болуп өттү. Семинарга райондун аймагында жайгашкан 45 мектептин математика мугалимдери жана райондук билим берүү бөлүмүнүн жетектөөчү адиси Б.Акпаралиев келип катышышты.Семинардын ачылышында райондук билим берүү бөлүмүнүн жетектөөчү адиси Б.Акпаралиев сөзгө чыгып, 2020-2021-окуу жылында Н.Бекменбетов атындагы № 7 жалпы орто билим берүүчү мектебинде бир топ алгылыктуу иш болгондугун, ошондой эле 11-класстын бүтүрүүчүсү Камолов Сыймык жалпы республикалык тестирлөөдө 208 упай алгандыгын баса белгилеп өттү.

Математика предмети мугалимдеринин арасынан 6 мугалим ачык сабак өтүп беришти.Алсак, математика мугалими Тажибаева Гулиниса 8-а классында “Квадраттык теңдеменин тамырынын формуласы”, Ашырбаева Дилафруз 1-д классында “Экини кошуунун жадыбалы”, Махкамова Назира 9-в классында “Рационалдуу көрсөткүчтүү даража”, Матбекова Бүжамал 11-а классында “ЖРТга окуучуларды даярдоодо колонка менен иштөө”, Каюмова Мавжуда 6-в классында “Нөлдүк даража.Даражанын даражасы”, Юлдашова Муяссар 3-в классында “Көбөйтүүнүн касиеттери” деген темаларда ачык сабактарды эң жогорку деңгээлде өтүштү. Ошондой эле Тажибаева Гулиниса, Матбекова Бүжамал, Маматова Зулхумар эжекелер “Билерман ордо” жана “Логика кайда?” аттуу класстан тышкаркы иштерди өткөрүштү. Класстан тышкаркы иштер ыр, бийлер менен коштолуп, көрүүчүлөргө жагымдуу маанай тартууланды.

Бул өткөрүлгөн семинар максатына жетти деген ойдомун.Себеби, семинарды жыйынтыктоодо мугалимдер сабактарды эң жогорку деңгээлде өтүшкөнүн, ушул мугалимдерди сыйлоо үчүн сыйлыктарга көрсөтүүнү мектеп жетекчисине сунушташты, өрнөк болчу мугалимдер көп экендигин айтып да, мактап да, өздөрүнө пайдалуу тажрыйбаларды үйрөнүп да кетишти.