1,438 Бардыгы /

Ала-Бука райондук билим берүү бөлүмү жана Ала-Бука райондук жаштар иштери боюнча адистердин демилгеси менен 2022-жылдын 15-март күнү окуучуларды интеллектуалдык деңгээлин жогорулатуу жана мектептер аралык окуучулардын ынтымак, достук биримдигин чыңдоо максатында Т.Балтагулов жана Ак-Коргон айыл аймактарындагы мектептердин арасында “Акыл ордо” интеллектуалдык таймашы Р.Кулуев атындагы №11 жалпы орто билим берүүчү мектебинде өткөрүлдү. Бул таймашка 13 мектептен тандалган 84 окуучу катышты. Оюнда бир нече категориялар боюнча суроо- тапшырмалар берилип, окуучулар кызыгуу менен активдүү катышышты. Айрыкча  М.Сарыбаев , Д.Осмоналиев, Октябрь, Р.Кулуев, Т.Жоробаев, А.Юсубалиев мектептеринин командалалары өздөрүнүн интеллектуалдык деңгээлин жогору экендигин көрсөтө алышты.

 “Эң… Эң… Эң”, “Кыргызстандын көрүнүктүу адамдары” жана түрдүү логикалык суроолор таймаштын эң кызыктуу бөлүгү болду. Мындай таймаштар окуучулардын тез ой жүгүртүүсүн калыптандырууга, билимдүү окуучуларды коомчулукка жайылтууга, китеп окууга кызыктырууга өбөлгө түзөт. Ошондой эле келген окуучулар бири-бири менен таанышып, баарлашып, достук мамилелерин орнотушту. Таймаштын жыйынтыгында М.Сарыбаев, А.Юсубалиев, Д.Осмоналиев, Р.Кулуев мектебинин окуучулары байгелүү орундарды ээлеп, райондук турга жолдонмо алышты.

Биз аларга ийгилик каалайбыз.

Р.Кулуев атындагы №11 жалпы орто билим берүүчү мектебинин орус тили жана адабияты мугалими  Хайдаралиева Севара Тахиржановна