825 Бардыгы /

ЖАЛАЛ-АБАД. Кара-Көл шаарынын аймагында 6 тоннадан ашык кара куурай жок кылынды.

Жалал-АбадОИИБдин басма сөз кызматы билдиргендей, республиканын аймагында өтүп жаткан МАК-2022 мерчеминин негизинде Кара-Көл шаардык милиция бөлүмүнүн демилгеси менен жергиликтүү бийлик өкүлдөрү жана жарандык автивдердин, айыл тургундарынын катышуусунда «Кара-Куурай» аталышындагы иш-чара өткөрүлдү. Иш-чаранын негизги максаты -баңги затты мыйзамсыз жүгүртүүгө каршы күрөшүү, ошондой эле жаш өспүрүмдөр арасында баңги заттарды жасоонун, сатуунун, колдонуунун алдын алуу жана болтурбоо болуп эсептелет.

Иш-чара учурунда Кара-Көл шаарына караштуу Жазы-Кечүү, Камбар-Ата жана Көк-Бел айылынын талаа жерлеринде өскөн жапайы кара куурайлар орулуп, жалпысынан 4 гектар жерден 6 тоннадан ашуун кара куурай өрттөлүп жок кылынды.