1,398 Бардыгы /

ОШ. Кыргызстандын Түштүк башкалакасында ушул жылдын октябрь айында калкты заманбап тейлеген ири борбор ачылат. Бул жөнүндө тууралуу Санариптик өнүктүрүү министринин орун басары Айдарбек Мамбеткадыров шардана кылды.

Айдарбек Мамбеткадыровдун айтымында, бүгүнкү күндө калаадагы калкты тейлөө борборуна Араван жана Кара-Суу райондорунун тургундары дагы тынбай катташкандыктан, дайыма кезек жаралып, анан карапайым калкты түгөнбөс түйшүккө гана салып келатат.

– Дал ушундан улам Ош шаарында сентябрь айынын аягында жаңы калкты заманбап тейлеген өзүнчө борборун ачмакчыбыз. Ушул тапта муну үчүн тийиштүү иштер жүрүп жатат. Ошентип, 1 миң 200 чарчы метрлик имаратка көчүп киребиз. Азыркы имарат эски болгондуктан, электр энергия тармагында тынбай көйгөйлөр жаралчу. Ошондой эле унаалардын тыгыны дагы жаралууда, – деп кашкайган чындыкты моюндады Санариптик өнүктүрүү министринин орун басары Айдарбек Мамбеткадыров.

Өкмөт мүчөсүнүн орун басары Айдарбек Мамбеткадыров Ош шаарындагы жаңы калкты тейлөө борборундагы кызматтарга онлайн түрүндө кезекке туруу системасы дагы киргизилээрин кошумчалады.

Алишер ТОКСОНБАЕВ, өз кабарчы