1,161 Бардыгы /

Ульяновск шаарына Өзгөчө кырдаалдар министри Бообек Ажикеев барат.

Орусияда жол кырсыгынан каза тапкан 14 мекендешибиздин сөөгүн алып келүү үчүн КР Өзгөчө кырдаалдар министри Бообек Ажикеев башында турган атайын топ 23-август күнү Ош шаарынан эртең менен саат 9-10до учат.

Куткаруучулардан турган атайын топ Ульяновск убактысы боюнча саат 10:40та аталган шаардын аэропортуна конот.

Саат 12:10до мекендештердин сөөгүн алып, Ульяновскиден Кыргызстанга учуп чыгат.

Ал эми Кыргызстандын убактысы боюнча саат 17:40 чамасында каза болгон жарандардын сөөгүн Ош шаарынын аэропортуна алынып келинмекчи.

Ошондой эле ал жактан мекендештерибиздин сөөктөрүн кичи мекенине чейин жеткирүү милдети да Өзгөчө кырдаалдар министрлигине жүктөлгөн.

Соңку маалымат боюнча жол кырсыгынан жалпы 16 адам каза таап, анын 14ү Кыргызстандын жарандары. Ошондой эле кырсыктын кесепетинен 3 мекендешибиз жабыркап, түрдүү жаракаттар менен Ульяновск облусуна караштуу Николаевск районунун Борбордук ооруканасына жеткирилген. Маалымат боюнча эки жаран жалпы палатага чыгарылып, бирөө жандандыруу бөлүмүндө.

КР ӨКМдин пресс-борбор