2,679 Бардыгы /

ЖАЛАЛ-АБАД. Бүгүн, 9-сентябрь күнү Сузак районунда Президенттин жарлыгы менен КР мамлекеттик сыйлыгы «Баатыр эне» ордени тапшырылды.

Сыйлыкка район боюнча эң көп балалуу энелер көрсөтүлгөн. Мындан сырткары, 13 «Эне даңкы» мамлекеттик сыйлыгынын медалы жана медалдын күбөлүгү берилди.

Быйыл Сузак районунда жалпы айыл өкмөттөр жана шаар боюнча 45 эне «Баатыр эне» орденине татыктуу болду.

Район акими Баратбек Сыдыкназаров энелерди сыйлык менен куттуктап, балдарды мекенге болгон сүйүү, коомго болгон сый-урматка басым жасоо менен тарбиялоого чакырды. Учурда күч алып жаткан зордук-зомбулукту болтурбоо үчүн жалпы ата-энелер үй-бүлөдөгү тарбияга көңүл буруусу абзел экени айтылды.

Умида НУРИТДИНОВА