Аймак

ЖАЛАЛ-АБАДДА КУТУРМА ООРУСУНА КАРШЫ ТЕКШЕРҮҮ ИШТЕРИ КҮЧӨТҮЛДҮ

ЖАЛАЛ-АБАДДА КУТУРМА ООРУСУНА КАРШЫ ТЕКШЕРҮҮ ИШТЕРИ КҮЧӨТҮЛДҮ

 1,233 Бардыгы /

ЖАЛАЛ-АБАД. Бүгүн, 9-сентябрда облустук эпидемияга жана эпизоотияга каршы өзгөчө комиссиясынын отуруму өттү.

Жыйынды Кыргыз Республикасынын Президентинин Жалал-Абад облусундагы ыйгарым укуктуу өкүлүнүн орун басары Эркинбек Маматаев жетектеп, комиссия мүчөлөрү, саламаттыкты сактоо тармагынын кызматкерлери жана район-шаар жетекчилери катышты.

Жыйында облус аймагынан Базар-Коргон районунунда эпидемиялогиялык жана эпизоотиялык кырдаал туруктуу эмес экени белгиленди. Ушул жылдын сентябрь айынын башында райондун Базар-Коргон шаарына караштуу Сай-Коргон айылынын тургуну кутурма оорусунан каза болгон. Мындан улам отурумда Базар-Коргон районунунда ооруунун алдын алуу чаралары буга чейин тийиштүү деңгээлде жүрбөгөнү айтылды. Облус башчысынын орун басары тез аранын ичинде аталган райондо жана жалпы облус аймагында кутурма оорусуна каршы кечиктирилгис чараларды көрүү тапшырмасын берди.

Жергиликтүү бийлик өкүлдөрүн тийиштүү ведомстволор менен тыгыз байланышта болуп, эпидемияга жана эпизоотияга каршы иш-чараларды биргилиете жүргүзүү жагы милеттендирилди. Кутурма оорусуна каршы эмдөөнү жетиштүү камсыз кылуу жагы эскертилип, жолбун иттерди жок кылуу иштерин күчөтүү, калк арасында жолугушууларды уюштуруп, түшүндүрүү иштерин колго алуу тапшырды.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17