873 Бардыгы /

ОШ. Кыргыз Өкмөтүнүн төрагасы Акылбек Жапаров, анын биринчи орун басары Адылбек Касымалиев жана Орусиянын Өкмөт башчысынын орун басары Алексей Оверчук Ош шаарындагы «Достук» Кыргыз-Өзбек чекара бекетинин жана бул аймактагы «Өткөрүүнүн электрондук бекети» инновациялык долбоорунун ачылышына катышышты.

Кыргыз Республикасынын премьер-министри Акылбек Жапаров «Достук» Кыргыз-Өзбек чек ара бекетин реконструкциялоого өзгөчө салым кошкондугу үчүн Орусия өкмөтүнө тереё ыраазычылыгын билдирди. Ал эми вице-премьер-министр Адылбек Касымалиев Кыргыз жетекчилиги мындан ары чек арадагы өткөрүү бекеттерин заманбап техникалар менен жабдуусун ырааттуу улантаарын убадалады. Ошондой эле мындай кадам бизнестин жүргүзүлүшүнө дагы жакшы шарттарды жаратаарын кошумчалады. Анткени, «Бирдиктүү терезе» мамлекеттик органдарды интеграцияга ыктоого аргасыз кылаары шексиз.

• Биз эл аралык заманбап форматта гана иштейбиз. «Достук»

чек ара бекетинин кайралдан ачылышы ЕвраАзия экономикалык Биримдигинин шартында иштөөгө даңгыр жол ачып олтурат. Буга улай бир катар инвестициялык долбоорлорубузду дагы жүзөгө ашырууга өбөлгө жаратат. Ошондой эле экономикалык алкабызды кеңейткенге деле өбөлгө жаратмакчы, – деди Орусиянын Өкмөт башчысынын орун басары Алексей Оверчук. – Анткени,Кыргызстан – Орусиянын эң ишенимдүү өнөктөшү! Бүгүнкү ишибиз ушунун башаты гана.

Ошентип, «Достук» Кыргыз-Өзбек чекара бекети ЕврАзия экономикалык Биримдигинин талабына ылайык нөлдөн баштап реконстуркцияланды. Ал эми «Өткөрүүнүн электрондук бекети» өткөрүүнү техникалык жактан толук кандуу модернизациялады. Мындайча айтканда, бардык жагдайлар жеңилдетилди. Ушуга улай чек ара бекетинде онлайн-мониторинг жүргүзүүгө дагы чоң мүмкүнчүлүк жаратты.

Алишер ТОКСОНБАЕВ, өз кабарчы