НООКАТТЫН БОРКО АЙЫЛЫНДА ӨНҮГҮҮ БОРБОРУ ИШКЕ КИРИШТИ

939 Бардыгы /

ОШ. Ош облусунун Ноокат районундагы Борко айылында Өнүгүү борбору ачылып, ишке киришти.

Кореянын Good Neighbors уюмунун маалыматына караганда, аталган борбор Кыргызстанда 2021-2025-жылдар аралыгында Кореянын Эл аралык кызматташтык агенттиги (KOICA) тарабынан каржыланып, Кореянын алдыңкы Good Neighbors (Гуд Нейборс) бейөкмөт уюму тарабынан ишке ашырылып жаткан «Айылдарды комплекстүү өнүктүрүү долбоорунун» алкагында ачылды. Тушоо кесүү аземине президенттин Ош облусундагы өкүлүнүн орун басары Эрнис Толтоев, Ноокат районунун акиминин орун басары Мамажунус Абилов, Кореянын Кыргызстандагы элчиси Ли Вон Чже, KOICAнын Кыргызстандагы өкүлчүлүгүнүн директору Ли Джонгсу, Good Neighbors уюмунун өлкө боюнча директору Чун Хонгсу, аталган уюмдун жана жергиликтүү өз алдынча башкаруу органдарынын кызматкерлери, ошонжой эле айыл тургундары катышышты.

Президенттин Ош облусундагы өкүлүнүн орун басары Эрнис Толтоев өз сөзүндө KOICA жана Good Neighbors уюмдарына Ош облусунда айыл чарба жана билим берүү тармагын өнүктүрүүдөгү эмгеги үчүн терең ыраазычылыыгын билдирди. Ал эми Кореянын Кыргызстандагы элчиси Ли Вон Чже элетте айыл чарба жана мал чарбасы аркылуу жергиликтүү элдин кирешелерин жогорулатууга багытталган долбоорлорду аягына чыгарууга катуу ишендирди.

Белгилей кетээрибиз: жалпысынан Ош жана Баткен облустарынын 30 айылына курулуп жаткан Өнүгүү борбору көп максаттуу болуп саналат: элеттеги калктын, өзгөчө аялдардын социалдык-экономикалык ишмердүүлүгүнө кудуретин кеңейтүү жана аларды колдоо аркылуу алардын мүмкүнчүлүктөрүн бекемдөө. Тактап айтканда, борбор негизинен кыска мөөнөттүү балдар бакчасынан жана ар кандай билим алуу үчүн конференц-залдан турат. Ошондой эле долбоор боюнча бакча (огород) программасы дашы уюштурулат.

МААЛЫМАТ ИРЕТИНДЕ: Good Neighbors уюму 2021-жылдын сентябрынан 2025-жылдын декабрына чейин Ош жана Баткен облустарынын он Айыл Өкмөтүнө караштуу 30 кытшагындагы 85 миңдей калкты түзгөн жергиликтүү жашоочулар үчүн «Айылдарды комплекстүү өнүктүрүү долбоорун» жүзөгө ашырууда. Долбоордун башкы максаты – айыл жеринде айыл чарба жана мал чарбасы аркылуу жергиликтүү элдин кирешелерин жогорулатуу.