1,263 Бардыгы /

Үстүбүздөгү жылдын 17-сентябрында «Кепилдик фонд» ААКтын өнөктөш банктарынын бири жаңы гарантиялык продукт – портфелдик кепилдиктерди колдонуу менен 7 млн ​​сом өлчөмүндөгү биринчи кредитти берди. Кепилдик камсыздоонун көлөмү 2,8 млн сомду түздү.

«Кепилдик фонд» ААКтын коомдук байланыш бөлүмү маалымдагандай, бул финансылык инструмент “Кепилдик фонд” ААК менен финансылык-кредиттик уюмдун ортосунда кайтарылбай калуу тобокелдигин бөлүштүрүү аркылуу ишкерлердин каржылоо булактарына жеткиликтүүлүгүн жогорулатуу максатында киргизилген.

Портфелдик кепилдиктердин жана аларды каттоо тутумунун аркасында карыз алуучунун жана кредитти берүүчү банктын «Кепилдик фонд» ААКга арыз менен биргелешип кайрылуусунун зарылдыгы жокко чыгат. Мындан тышкары, насыя алуу үчүн арыздарды кароо мөөнөттөрү кыскарган, карыз алуучу тарабынан берилген керектүү документтердин пакети азайган. Бул артыкчылыктар чакан жана орто ишканалардын кредиттик ресурстарга жетүү деңгээлин жогорулатууга да, алардын көлөмүнө да түздөн-түз таасирин тийгизет.

Эске салсак, финансы рыногуна портфелдик кепилдиктерди киргизүү 2022-жылдын 5-августунда Кыргыз Республикасынын Президенти Садыр Жапаров тарабынан кол коюлган «Кыргыз Республикасындагы гарантиялык фонддор жөнүндө» мыйзамга тиешелүү өзгөртүүлөр киргизилгенден кийин мүмкүн болгон.