825 Бардыгы /

СТАМБУЛ. Саламаттык сактоо министри Гүлнара Баатыровага Түркиянын Президенти Режеп Тайип Эрдоган өзү сыйлык тапшырды.
Түркиянын атакутуу Стамбул шаарында Түрк медицинасынын VIII Дүйнөлүк конгресси өтүп, бул иш-чарага Кыргызстандын саламаттык сактоо министри Гүлнара Баатырова дагы катышты. Ошентип аталган эл аралык иш-чаранын алкагында “Медицинанын тарыхына жана жалпы мураска таазим” сыйлыгын тапшыруу аземи дагы кошо жүрүп, буга Түркия мамлекетинин президенти Режеп Тайип Эрдоган өзү катышты.
Баса, сыйлык тапшыруу аземинде Түрк мамлекеттеринин уюмуна мүчө өлкөлөрдүн саламаттык сактоо министрлери өз өлкөлөрүнүн саламаттык сактоо кызматкерлеринин атынан Режеп Тайип Эрдогандын колунан сыйлыктарды алышты. Мындай сыйлык Кыргызстандын саламаттык сактоо министри Гүлнара Баатыровага дагы тапшырылды.

Алишер ТОКСОНБАЕВ, өз кабарчы