1,083 Бардыгы /

          БАТКЕН. Кыргыз-Тажик чек арасындагы куралдуу кагылышуунун кесептинен Баткен облусунда кыйраган турак үйлөр кайрадан калыбына келтирилүүдө.

Өзгөчө кырдаалдар министрлигинен маалымдашкандай, ушул тапта  Баткен жана Лейлек райондорундагы 135 турак үйдүн пайдубалы курулуп жаткан чагы. Ал эми 171 үйдүн пайдубалы бүткөрүлүп, 63 үйдүн дубалынын курулушу кызуу жүрүүдө. Жарандык коргонуу комиссиялары тарабынан тактоо иштери жүргүзүлүп, Баткенде жалпы 661 үй жабыркаганы аныкталган. Тактап айтканда, Баткен шаарында 21, Баткен районунда 454, Лейлек районунда 186 турак үй кыйраган. Булардын арасынан  423 турак үй жашоого жараксыз абалга келип, 238 турак үй кайрадлан оңдоп-түздөөгө муктаж болгон. Ошондой эле 11 административдик, стратегиялык, 27 социалдык обөект, 335 сарай, 197 жашоо тиричилик камсыздоочу обьект, унаа өтүүчү бир көпүрө жапа чеккен.

Ушул тапта 422 үй бузулду. Тактап айтканда, Өзгөчө кырдаалдар министрлиги тарабынан 387, жергиликтүү бийлик тарабынан 35 турак үй сүрдүрүлдү.  Бир үй чек ара тилкесинде болгондуктан тазаланган жок.

Алишер ТОКСОНБАЕВ, өз кабарчы